摘要：第4任老窦夏萨特回归今晚欧联A组第3轮重头戏，皇家马德里作客火併加拉塔沙雷。「银河舰队」喺今届欧联出闸脱脚，头2仗未赢过，为抢分晋级不容再失，撞正「私房菜」加拉塔沙雷，绝对係开斋好时机，皇马让半一，上...
第4任老窦夏萨特回归
今晚欧联A组第3轮重头戏，皇家马德里作客火併加拉塔沙雷。「银河舰队」喺今届欧联出闸脱脚，头2仗未赢过，为抢分晋级不容再失，撞正「私房菜」加拉塔沙雷，绝对係开斋好时机，皇马让半一，上盘捧得过。
贵为13届欧联（连欧冠）盟主，皇马今届先喺首轮惨吞巴黎圣日耳门3蛋，上轮竟然先落后2粒，几经辛苦先逼和布鲁日2比2，依家两战未赢过只得1分排包尾，真係冇晒飞士，好彩只落后次席布鲁日1分，形势唔太坏，但往后赛事不能再甩辘，必须抢分争出线。虽然皇马近况麻麻，啱啱联赛爆冷输畀马略卡，而且伤兵唔少，但正好畀「边缘人」占士洛迪古斯有机会争取表现，而且「夏神」夏萨特日前因老婆临盆特准畀佢放假，并且诞下佢哋第4个小朋友，人逢喜事精神爽，呢位比利时队长今仗一定加多两钱肉紧。
加拉塔沙雷近7对赛6负
加拉塔沙雷虽有法卡奥、赖恩巴布、长友佑都等助阵，但喺头2轮欧联分组赛，同皇马一样只获1和1负仅得1分，冇乜优势可言，而且呢支土超劲旅近年喺欧洲赛无甚佳作，近7场欧联只得2和5负，其中6场更交白卷，见到都唔开胃，就算有地利都靠唔住。何况两军近7次交手，皇马豪取6胜1负，加拉塔沙雷摆明係佢哋「私房菜」，仲唔趁热食咩，上盘有计。
