摘要：欧联E组第3轮，衞冕嘅利物浦作客斗比利时代表亨克。虽然利物浦係上届盟主，不过佢哋作客表现一向麻麻，尤其分组赛更加输多赢少；亨克上轮主场成功守和拿玻里，防守有一定板斧，让球主客和利物浦让两球太辣，波童拣...
欧联E组第3轮，衞冕嘅利物浦作客斗比利时代表亨克。虽然利物浦係上届盟主，不过佢哋作客表现一向麻麻，尤其分组赛更加输多赢少；亨克上轮主场成功守和拿玻里，防守有一定板斧，让球主客和利物浦让两球太辣，波童拣让球主胜。
头2轮得3分嘅利物浦连续两届杀入欧联决赛，上届更击败热刺第6次捧盃，绝对係近年喺欧洲赛最威水嘅英格兰代表，不过睇番佢哋对上2届分组赛表现其实唔算叻，尤其作客比赛6场只赢过弱旅马里博尔，其馀5战仅得2和3负，嚟到今届首轮分组赛佢哋作客拿玻里又输0比2，老毛病改唔到。红军三日前喺英超作客逼和曼联1比1，前锋穆罕默德沙拿缺阵对进攻发挥明显有影响，如果呢场继续冇佢都几头痕。
近15欧战主场11胜3和
亨克首轮分组赛作客萨尔斯堡惨败2比6，吸取教训上轮返主场即成功打和拿玻里0比0，防守有改善之馀，几次反击几乎得手，阵中最值得注意係罗马尼亚小将伊兰斯赫杰，呢位「星二代」、罗国名宿赫杰囝囝喺今夏U21欧国盃光芒四射，带领罗马尼亚进身4强，无论校炮、射术都尽得其父真传，随时带来意外惊喜。亨克近年喺欧洲赛累积唔少经验，连欧霸盃在内，佢哋对上15场欧洲赛主场取得11胜3和1负，绝非任人鱼肉，利物浦要淨胜2球或以上唔容易，波童宁愿捧让球主胜。
