摘要：周六晚德甲焦点战必然係史浩克04对多蒙特，黑柴跟咗德甲多年，不得不承认鲁尔区打吡係最难预测嘅比赛，因睇近况同阵营消息周时都会领嘢，既然两军近4次对赛共产生19个入球，今场简单捧中位数2.5球大盘。基于...
周六晚德甲焦点战必然係史浩克04对多蒙特，黑柴跟咗德甲多年，不得不承认鲁尔区打吡係最难预测嘅比赛，因睇近况同阵营消息周时都会领嘢，既然两军近4次对赛共产生19个入球，今场简单捧中位数2.5球大盘。
基于两队球迷势成水火，双方无论球会领导以至职球员，都视呢个对赛胜负为全年最重要。事实上，两军近年交手不乏经典，前季首循环对决（2017年11月），赛前史浩克处于佳态，多蒙特就连战不胜，结果合演咗一场至今仲令人津津乐道嘅经典，主场嘅多蒙特上半场已经领先4球，但作客嘅史浩克竟然可以喺下半场收复失地，追成4比4开出和其他波胆；去到上季尾（今年4月）轮到史浩克处于低潮，相反多蒙特喺升势中仲同拜仁争紧冠军，势估唔到史浩克作客可以炒多蒙特4比2，呢场亦成为多蒙特上季未能夺冠嘅其中一个关键。
史浩克多蒙特留力今场
赛前双方近况都唔理想，史浩克近两场联赛先喺主场领先下，补时遭下游科隆逼和，上轮作客压住贺芬咸狂攻最终竟然输0比2，赛后新帅大衞华拿竟然笑住话呢啲就係足球，踢得比较好嘅一方输波并唔係出奇嘅事。
至于多蒙特喺欧联作客国际米兰嘅关键战，到下半场只落后1球嘅情况竟然又懒懒閒，既唔急于抢逼，亦唔太介意喺尾段畀对手入多粒，输完场波全队观感都唔係好失望。睇完呢两场波，黑柴强烈觉得两队都刻意有所保留，等今晚打吡战至大爆发，今仗要估边队赢真係冇把握，简简单单撑大盘好过。
