专家拆局：马模AIK冲冠精打细算

周二凌晨瑞典超连场大战，阿King有过关心水同大家分享。重心「3哥」马模将于主场同「4哥」ＡＩＫ苏纳上演前列大战，马模不嬲靠稳健防守揾食，唔会轻易失波，面对劲敌ＡＩＫ苏纳更加唔会冒进，中位数2.5球入球细好路。

瑞典超球季嚟到尾声，冠军争夺战进入白热化阶段，前列佐加顿斯、哈马比、马模同ＡＩＫ苏纳四大巨头积分接近，任何一队稍有差池，就好大机会要同欧战席位或冠军讲拜拜。马模暂以得失球差力压同积59分嘅ＡＩＫ苏纳排第3，喺追赶榜首球队嘅同时，马模亦要力保前三位置取得欧战入场券。好在马模最煞食就係稳健防守，打到季尾喺联赛只係失过16球，係联赛失波数最少球队，加上两军近7次交手全开2球或以下，呢场中位数2.5球入球细值得再追。

佐加顿斯大开杀戒

同时间开波有佐加顿斯主场迎战奥雷布洛，奥军近4场作客场场有失波，后防甩漏严重，呢场面对争冠分子佐加顿斯，恐怕难逃一劫，入球大值得留意。

最后串场葡超，布拉加主场斗辛达卡拉，火力强劲嘅布拉加强势回勇，近期盃赛4连胜轰入10球，有本钱大炒近4仗作客3败嘅辛达卡拉，让球主胜值博。