推荐预测：护级6分波白礼顿献细

护级6分波白礼顿献细

英超护级形势激烈，周四凌晨有尾4嘅白礼顿主场迎战身处降班区嘅富咸。白礼顿目前领先富咸5分但係踢多1场，今场如果输波，失分将会较对手更多，生死大战难免步步为营；富咸自12月开始表现有起色，尤其喺以防守为先嘅战术下，抢分机会大大提高，今仗作客白礼顿亦会先求稳阵，考虑到双方都冇强攻本钱，今场开2.5球嘅入球细机会极高。

白礼顿上场联赛作客凭马奥比入波小胜列斯联，但係喺韦碧克、查汉巴克殊同艾朗干洛尼3位前锋受伤下，球队亦只有马奥比具备入球能力，变相导致进攻火力容易受到对手制衡。白礼顿近4场联赛有3场都係一球定胜负，今场关乎护级关键嘅「6分波」，肯定会踢得更加谨慎。

富咸作客先求稳守

富咸喺英足盃出局录得3连败，不过近2场联赛对车路士同曼联都係仅输1球，演出并唔失礼。富咸喺12月份曾经踢出5连和，连续抢分嘅最大关键係先做好防守，客场出搫尤其着重防守稳健，近7场联赛作客有6场总入球开2球或以下，今场作客白礼顿会继续以守为攻，细盘值得再追。