推荐预测：祖雲達斯客W抵博

失落意盃聯賽唔衰得

意甲榜首勁旅祖雲達斯今晚作客博洛尼亞，「斑馬兵團」只係領先第2位拉素1分，1哥位唔穩陣，同埋剛於意大利盃決賽失冠，勢必化悲憤為力量，更加落力搶分衝擊聯賽錦標，一於捧祖雲達斯客勝。

祖雲達斯喺意甲復賽前夕已踢咗2場意盃，先係4強次回合對AC米蘭，上周中決賽同拿玻里法定時間打和0比0，互射12碼輸2比4。雖然祖記痛失獎盃，但呢兩場賽事無疑係最佳「熱身賽」，有助祖記球員迅速提升比賽狀態，為爭奪意甲錦標做好準備。

祖雲達斯今季遭兩大勁旅拉素及國米夾擊，特別係拉素來勢洶洶，令教練沙利備受壓力，甚至有傳如果祖記意甲8連冠走勢斷纜嘅話，沙利將會被炒，餘下每仗必搏盡。

博洛尼亞輸往績

至於博洛尼亞位處聯賽中游，仲有機會爭奪下屆歐洲賽入場券，但係球隊喺意甲停擺前嘅3場比賽僅取得1和2負，開始出現鬆懈。更何況博洛尼亞嘅實力同祖記存在明顯差距，雙方近8次對賽，博洛尼亞都輸波，包括近4次主場對祖雲達斯全敗兼只入1球，預料今場難逃再敗，祖記客勝穩陣。